Invitasjon til temamøte «Status for biogassproduksjonen i Rogaland» 22. mai kl. 12.00–14.00 på Teams
Foto: Ane Harestad, NLR
Fem biogassinitiativ i Rogaland har fått Enova-støtte:
- Bio Jæren i Hå og Bioenergi Finnøy i Stavanger.
- Vireo på Karmøy, Havila i Tysvær og Biovind i Vindafjord.
Fleire andre initiativ i Rogaland er på ulike stadar i planlegginga.
For bonden er det viktig å vita kva gevinsten blir ved å levera til biogassanlegg.
Agenda
- Velkommen.
- Biogass i klimakalkulatoren. Kva er bondens gevinst?
Malin Olsen Wedaa, forskar på NMBU med klimagassutslepp frå husdyrproduksjon som eit fagfelt. - Planane våre for biogassproduksjon i Rogaland. Initiativa presenterer seg:
Bioenergi Finnøy AS, Bio Jæren AS, Biogy Solutions AS, St1 Biokraft AS, Biovind AS, Dalane Biogass AS, Havila AS Haugalandet og Årdal Aqua AS. - Verdsetjing av klimagevinsten. Kva rører seg rundt oss.
Peter Willmann, Klepp kommune og biogassatsinga. - Diskusjon – spørsmål og kommentarar.
- Avslutning.
Påmelding her innan 1 time før.
Hald av tidspunktet i kalenderen! Alle påmeldte får kalenderinnkalling til Teamsmøtet.
Velkommen!
Møtet er i samarbeid med Rogaland biogassnettverk.
Ønskjer du å delta i biogassnettverket, kan du melda deg på her.
Prosjektet «Kunnskapsløft for robust klimaomstilling i Rogaland» er ei felles offentleg satsing for å få fram kunnskap om biogass, og legga til rette for kunnskapsformidling ved innføring av nytt gjødselregelverk.
Hensikta med satsinga er:
- Arbeidet skal støtta biogassinitiativa i Rogaland for å redusera klimagassutsleppa og styrka landbruket som næring. Berekraftige løysingar for auka verdiskaping i landbruket er viktig for Rogaland som landbruks- og matregion.
- Det vert arbeidd med å finna ut av klimagevinsten og CO2-kvotar, samt verdien av biogassatsinga for den enkelte bonde.
- Arbeidet skal styrka kommunane ved å legga til rette for kompetanseheving ved innføring av nytt gjødselregelverk. Det vert lagt til rette for ulike møtestader der kommunane sine ulike behov kjem fram som grunnlag for prioriteringar i arbeidet. Bruk av bioresten vil også vera eit aktuelt tema framover.
Klepp kommune eig prosjektet. Kommunane Hå, Time, Stavanger og Vindafjord, samt Haugaland Vekst og Statsforvaltaren i Rogaland er med på satsinga.
Prosjektet er finansiert av næringsutviklingsmidlar til Rogaland fylkeskommune og Statsforvaltaren i Rogaland sine skjønnsmidlar med eigenandel frå dei deltakande kommunane.
